University Taekwondo inelnaah Mizo

All India University Taekwondo Championship khel tur Mizoram University team-te chuan Inrinni khan Aizawl an chhuahsan a, he inelnaa tel tur hian Mizoram University aiawhin mipa pali leh hmeichhia pahnih an kal.

Vawiin aṭanga neih ṭan tur inelnaah hian Poomsae(Form) leh Kyorugi(fight) ah MZU aiawhte hi an inlan dawn a, March 20, Zirtawpni thlengin inelna hi neih tur a ni.

Mipa leh hmeichhe inelna hmun erawh a inang dawn lo a, mipa hi Dev University, Jalandhar-ah an khel ang a, hmeichhe team hian SM University, Balesore, Odisha-ah inelna an nei thung dawn.

Mipa team hi Armed Veng tlangval Lalrinchhana chuan player-coach ni chungin a kaihruai ang a, hmeichhe team hi Kanan Veng nula Doris Lalhmangaihzuali'n a ho thung ang.