Referee chungah Rosenior a lungawi lo

Chelsea an tlawm a, referee Paul Tierney chungah coach Liam Rosenior a lawm lo hle - English coach hian referee pawl Professional Game Match Official Limited hnenah Tierney chungchang a thlen tur thu a sawi.

Chelsea hian second half-ah Nick Woltemade chu Cole Palmer lakah a foul-ah ngaiin penalty an beisei a, mahse, pek an ni lo. Hei mai a ni lo - inkhelh hmain Chelsea player-te an inkuah khawm a, a laia awm referee Tierney hian kal sawn a tum lo!

Rosenior chuan, "Paul khan a hnaah chiah a rilru pe se chuan thutlukna dik a siam ang a, penalty kan hmu bawk ang," a ti a, a lawm lo hle!

Kum 41 mi coach chuan sawi zawmin, "Palmer kha Woltemade-a tihtluk a ni lo, tia sawi thei tumah an awm ka ring lo," a ti - penalty pek ngei tur an hmu loah a ngai.

Player inkuah khawm laia Tierney kal sawn lo pawh Rosenior hian a hrethiam lo. English coach chuan, "PGMOL leh referee hnenah thil thlen dan ka zawtfiah dawn a ni," a ti!

Rosenior chuan sawi zawmin, "Football dan ang chuan kan awm duhna hmunah kan awm thei. Referee chungah ka lawm lo tak zet a, ka player-te chhan hi ka tihtur a ni a, he game hi ka zah em em bawk," a ti a, Chelsea fan-ten an duh ber erawh Thawhlehni zana PSG an lehthal a ni ang.