Leonard hoin Clippers-in Wolves hneh

NBA regular season khelh mekah nimin zing khan Los Angeles Clippers chuan 153-128 in Minnesotta Timberwolves an hneh a, Clippers tan Kawhi Leonard a langsar hle a, an match hnuhnung pasariha vawi ruk an chak theih nan an khaipa ber a ni.

Intuit Dome, California-a inkhelah Leonard-a'n point 45 neiin a score sang ber a, reobound leh assist panga ve ve a nei bawk a, Clippers chakna hnar a ni. Kawhi hian a ṭhiante puihna a dawng ṭha a, Bennedict Mathurin (22), Darius Garland (21), Jordan Miller (14) leh Derrick Jones (12) ten Clippers chak nan an thawh hlawk hle.

Wolves tan Anthony Edwards an point 36 a score a, Edwards bakah hian player panga ngawtin point 10 an score tling a, Naz Reid (18), Jaylen Clark, Jaden McDaniels, Julius Randle (11) leh Bones Hyland (10) te khel ṭha viau mah se Clippers chetṭhat zan an tawng a, a tlawm zawkah an ṭang.

Clippers hi Western Conference table-ah pariatnaah an awm mek a, playoff khel pha turin an dinhmun an sawh nghet zel. Match 10 chuang khelh tur a la awm a, thlamuang taka awm thei an la ni lo a, chetsual zeuh a pawi tawh dawn. Clippers hian Inrinni zing dar 8-ah Chicago Bulls nen an inhmachhawn leh ang.