Bayern-in goal an surtir

German champion Bayern Munich-in hliam vangin Harry Kane chhawr thei lo mah se, Atalanta khelmualah harsatna an tawk lo a, Italian club hi 6-1 ngawtin an sawp.

Champions League round of 16 inkhelah Kane hi bench-ah dah a ni a, coach Vincent Kompany-a'n mamawh thuta koh theih turin awm se a duh.

Mahse, Bayern hi first half-ah an chak dawn tih a chiang tawh - minute 12-na lekah Josip Stanisic chuan hnai set sawt aṭangin a khung a, minute 10 hnuah Michael Olise chuan a belhchhah ve leh bawk.

Minute 25-naah Serge Gnabry hun her chhuak ve lehin, an goal thumna a khung a, chawlhlawkah 3-0 a ni tawh. Second half-ah pawh thawnthu a danglam lo - Chelsea aṭanga loan-a an hawh Nicolas Jackson leh Jamal Musiala ten an khung belh a, Olise-a'n a goal hnihna a khung bawk.

Bayern-in Serie A club la dam chhun Atalanta lakah goal ruk ngawt khungin an mualpho a, hun pek belha Atalanta tana Mario Pasalic-a goal khung chuan Bayern ṭantute thin phu a tirang hman lo.

Club pahnihin second leg la khel leh dawn mah se, Allianz Arena-ah a ni dawn a, Bayern tan tlang lo tur chuan thil mak danglam tak a thlen a ngai hial ang!

Bayern coach Kompany chuan, "Inkhelh chhung zawngin kan hlauhawm tluan chhuak zak a, khatiang inkhel kha lawm en ka duh chu! Kan team-ah player quality leh theihna nei sang tak tak kan kawl a, khatiang taka inkhel kan thunun kha mak ka ti hran lo," a ti a, a naute khelh dan a fak.