Player of the tournament Samson

T20 World Cup ṭantirh lamah Sanju Samson tel pha lo mah se inelna a zawh meuh chuan champion-na tura thawh hlawk bera chhal ngam niin player of the tournament-ah an thlang. India-in match kua an khelh aṭangin Samson hi match ngaah chauh a inlan a, hetichung hian run 321 siamin Men in Blue zingah run a siam tam ber.

Samson hian run a siam tam ringawt lo a, Super 8-ah West Indies lakah thi loin 97 runs a siam a, hnehna an chan phah. Semifinal-a England an hneh ṭumin 89 runs a siam a, final an thlen theih nan a pawimawh hle. Super 8 match tawp ber leh semifinal-ah hian man of the match a ni ve ve a, final-ah pawh 89 runs siamin man of the match ni lo mah se a langsar tho.

Tun inelnaah Pakistan batter Sahibzada Farhan (383) leh New Zealand batter Tim Seifert (326) te chauh run siam tam lamah a tluk lo. Inelna ṭantirh lamah Samson hi tel pha lo mah se a hunah tak a rawn inlar a, batter ṭha rual awm khawmnaah a langsar ta ber. India champion-na kawnah a pawimawh takzet.