AFC C coach educator Dika

Mission Vengthlang pa K. Lalrindika chu AFC C Licence Coaching Diploma conduct thei tur Coach Educator (instructor) atan a tling thar a, Mizo zinga AFC C Licence zirtir thei hmasa ber a ni.

February 23-28, 2026 khan AIFF Centre of Excellence, Kolkata-ah AIFF East Zone Coach educator Refresher Course neih a ni a, AIFF chuan hmun hrang hrang aṭangin he course chhim thei tur mi 16 a ko a, Dika hi hlawhtlinna chan zingah a tel.

Dika hlawhtlinna hi Mizo football tan chanchin lawmawm a ni a, Mizoram Football Association-in awlsam zawkin AFC C Licence Course a kalpui thei tawh dawn . Mizoram chhung ngeiah Mizo instructor hnuaiah Mizo coach-ten AFC C Licence an nei thei ang.

Hlawhtlinna chang thar Dika hi RFYC Naupang League-ah technical head leh MFA Elite Football Academy-ah head coach ni lai mek a ni a, AFC A License Diploma holder a ni bawk.

MFA Grassroots & Youth Development Committee leh MFA Competition & Technical Committee-ah te committee member a ni a; Badhani Football Academy, United Punjab, India on Track FC leh Karbi Anglong Morning Star bakah Mizoram sub junior thlengin a enkawl tawh a ni.