Ward I Zuangtui an champion

Futsal hmanga inelna AMC Mayor's Cup 2026-ah Ward I aiawh Zuangtui chuan final-ah Ward XII aiawh Tuikual North 5-2 a hnehin an champion. Zuangtui champion puitu Ricky Lallawmawma chu best player-a thlan a ni a, final-a goal hnih khungtu Marcus Malsawmzuala'n tun inelnaah goal khung tam berin top scorer chawimawina a dawng.

R. Dengṭhuama Stadium, Mualpuia inkhelah Ward XII leh leh Ward I an inhnehtawk a, inkhel hi 5-2 anga teh chi a ni lo. Ricky-a'n Ward I tana goal hmahruaina a khung hnuah Marcus-a'n a khung belh. Ward XII lamin Lalnundika hmangin first half-ah siphurh an sut ṭhen a, Amos Zorinsanga hmangin second half ṭantirhah siphurh an sut zo.

Hun tawp lamah inkhela chungnung hret Ward I lamin minute 35-naah Marcus hmangin an khung belh a, hun tawp lam a nih tawh avangin Ward XII an talbuai phah. Risk lain Tuikual North-in an nawr a, C. Lalrinzuala leh Ricky te hmangin Zuangtuiin khung belhin 5-2 in hnehna an chang.