Al Hilal striker Benzema a inhliam

Ballon d'Or 2022 dawngtu Karim Benzema chu a ṭhal bawrah hliam a tawh avangin a chawlh rih a ṭul dawn. Al Hilal striker hi a chawlh hun chhung erawh tih chian la ni lo. Nizan khan Al Hilal hian Al Taawoun an hmachhawn a, Benzema hi squad-ah a tel lo.

Kum 38 mi Benzema hian thlasik transfer-ah Al Hilal hi a zawm a, match hmasa bera Al Okhdoud an hmachhawn ṭumin hattrick siam nghalin 6-0 in an chak. Mahse, hemi hnu hian Al Hilal-in El Ettifaq 2-0 in an hneh lo a, Al Ittihad nen 1-1 in an inhnehtawk bawk.

Saudi Pro League-ah champion inum boruak a sang a, table chunglam pali Al Ahli (56 points), Cristiano Ronaldo telna Al Nassr (55), Al Hilal (54) leh Al Qadsiah (53) te an inhnaih hlawm hle.