MCA-in Mizoram tihmingṭhatute chawimawi

Mizoram Chess Association (MCA) chuan February 20, Zirtawpni khan 23rd North Eastern States Chess Championship 2025-a Mizo chess player medal late chawimawina hun a hmang.

Chess C'ship hi December 16-20, 2025 chhung khan R. Dengṭhuama Indoor Stadium, Mualpuiah neih a ni a, Mizo player parukin medal an la. Medal dawngte chawimawina hunah hian MCA chuan 23rd NE Chess Championship 2025 Felecitation One Day Rapid Tournament a buatsaih nghal bawk a; Lalnunsanga, Leitan Ramthar Club chu pakhatna niin, John Zonunthara Sailo, Bawngkawn Club leh Benjamin Lalhmingliana, Lunglei Club-te'n an dawt.

MCA president Lalchhuana chuan March 19-21, 2026 khian 42nd PS Dahrawka FIDE Rated Tournament an buatsaih leh tur thu a sawi a, NorthEast inelnaa medal late a chhuan thu a sawi tel bawk.