England an chak lo

T20 Cricket World Cup-ah England chuan Nilaini zan khan West Indies an hmachhawn a, 30 runs-in an hneh lo. Group C-ah West Indies-in point li hmuin hma an hruai a, Scotland leh England ten point hnih ve ve an hmu. Ferbuary 14, Inrinni zanah Three Lions leh Scotland te hi an inkhel dawn a, Super 8 khel tur zawnna inkhel pawimawh a ni ang.

Wankhede Stadium, Mumbai-a inkhelah England-in vawm hmasak an thlang. West Indies tan opener Brandon King (0) leh captain Shai Hope (1) te che ṭha lo mah se Sherfane Rutherford zarah hnehna an chang ta tho. Rutherford hian thi loin 76 runs a siam bakah Jason Holder (33) leh Shimron Hetmyer (23) te rawn che ve bawkin 196/6 runs an siam.

England lam tan Phil Salt (30) leh Jos Buttler (21) bakah Jacob Bethell (33) rawn che ṭhain beiseina sang tak nei mah se an daih rei lo a, over 19-ah thi fai vekin 166 runs chauh an siam. Nilaini inkhel dangah Australia-in (182/6) Ireland (115) 67 runs-in an sawp a, nimin khan inelna thlengtu Sri Lanka-in (225/5) Oman (120/9) 105 runs-in an sawp bawk.