Inaki Williams faktu Valverde

Athletic Bilbao coach Ernesto Valverde chuan an forward Inaki Williams chu an team tana ṭangkai ber pawl a nih thu a sawi a, Barcelona pawh lo enkawl tawhtu Valverde hian Williams chu Levante an hneh hnuah a fak.

Bilbao hian Pathianni zan khan 4-2 in Levante an hneh a, he inkhelah hian Inaki Williams-a'n assist pahnih a nei a, a khel ṭha hle. Valverde chuan,"Inaki hian ground chhungah a theihna zawng zawng team tan a hlan ṭhin a, amah ang hi team-in hma an sawn chhan a ni.

Levante laka a khelh dan leh Copa del Rey match hnuhnung bera goal a khung avangin Sociedad lakah pawh a inrintawk sawt ang," tiin Inaki Williams chu a fak.

Zanin dar 1:30-ah Bilbao hi Sociedad nen Copa del Rey final luh inchuhin an inhmachhawn dawn a, Inaki Williams bakah a unaupa Nico Williams te chu tlarhma lamah an innghahna an ni leh dawn a, 2024 champion team hian champion ngei tumin Sociedad an hmachhawn ang.