Zaninah India vs New Zealand

India leh New Zealand ten zanin dar 7:00 hian Thiruvananthapuram-ah ODI match nga khelh tura a tawpna ber an khel dawn a, he inkhel zawhah hi chuan T20 World Cup-ah an insawrbing thei tawh ang.

Men in Blue hian match hmasa pathuma hnehna an chan hnuin January 28, Nilaini zan khan Visakhapatnam-ah New Zealand hi 50 runs-in an hneh lo. India chhuanvawr Abhishek Sharma-a'n run khatmah a siam lo a, captain Suryakumar Yadav pawhin run riat chauh a siam.

Mualneitu lam hian World Cup-a inrintawkna nei turin chak ngei a ṭul a, chumi tur chuan player pawimawhte an khelh ṭhat a ṭul. New Zealand hian India hi ODI-ah 2-1 in an hneh tawh a, World Cup-ah pawh Men in Blue elpui tur zinga mi an ni.