Al Hilal an chesual nawn

Saudi Pro League-ah Al Hilal-in Nilaini zan khan Al Qadsiah FC an tlawh a, 2-2 in an inhnehtawk. Al Hilal hian match zawna an khingpuite nen an inhnehtawk avangin point li an hloh a, Cristiano Ronaldo telna Al Nassr tan chanchin lawmawm a tling ang.

Prince Saud bin Jalawi Stadium-a inkhelah Al Hilal tan Ruben Neves-a'n minute riatna lekah goal hmahruai khung mah se mualneituin Nahitan Nández leh Julián Quiñones te hmangin an lethal. Minute 90-naah Salem Aldawsari-a'n Al Hilal tan goal pawimawh a khung a, 2-2 in an inhnehtawk. Goal luh dan thlir chuan Al Hilal hian point hnih an hloh lo a, point khat an hlawh chhuak thung.

Saudi Pro League-ah Al Hilal-in match 18 aṭangin point 46 an hmu a, an hnuaia awm Al Ahli Saudi-in point thum chauhin an pha lo. Ronaldo telna Al Nassr-in nizan khan Al Kholood an hmachhawn a, hnehna an chang a nih chuan Al Hilal nen an inkarah point thum chauh a awm ang.