Futsal inelna AMC Mayors Cup 2026

Mizoram Football Association leh AMC ṭangkawpin February 18-26, 2026 chhung hian futsal hmanga ward inelna AMC Mayors Cup 2026 an buatsaih dawn. February 27, Zirtawpni zanah Aizawl Day lawmna neih a ni dawn a, hemi zan hian lawmman sem a ni ang.

Inelnaah hian ward khat aṭangin team khat an tel thei dawn. Ward aiawhin local council pakhat an tel thei a, corporator-in ward aiawh a thlang chhuak ang. Ward aiawha thlan chhuah Local Council veng hminga inelna hi hmachhawn tur a ni.

Ward aiawha tel tur Local Council team-ten ward chhunga mi player tur an la thei ang. Player tel turte chu an telna ward chhunga vote nei ngei an ni tur a ni a, epic card hmanga check tur a ni a, kum tling lo te chu aadhaar card hmanga check tur an ni ang.

Team list leh Epic/Aadhaar (Photo copy) hi February 10, 2026 (Thawhlehni) ral hmain MFA Futsal Committee secretary Lalrinchhana Fanai (8415881653) hnenah soft copy theh luh tur a ni a, hard copy hi MFA office ah theh luh tur a ni thung. Team khatah hian player 14 leh official panga ziahluh theih a ni.