January 24 aṭangin MFA Futsal League Season 7

MFA Futsal League 2025-26 chu January 24, Inrinni aṭangin R. Dengṭhuama Indoor Stadium, Mualpuiah khelh ṭan a ni dawn. Inelnaah hian club 11 an tel dawn a, inelna hi group league leh knockout hmanga ṭhen a ni ang.

Group league-ah hian club 11-te vawi khat ṭheuh an inkhel chhuak vek ang a, group league aṭanga a sang paliten semifinal an khel ang. Tun season league champion hian 2016-27 AIFF Futsal Club Championship lo awm turah Mizoram aiawhin an khel dawn.

Futsal League Season 7-a club 11-te chu Go FC (Tuikual North), Te-i Memorial FC (Saron Veng), Ramhlun South FC, C. Lalmuana Memorial FC (Chanmari), Tlangnuam FC, Thlangtiang FC (Luangmual), FC Rokungi Memorial (Chanmari), Electric Veng FC, Senator FC (Chaltlang), FC Thyristor (Ramhlun Venglai) leh Zonuam FC te an ni.

Futsal League hi BR Studio YouTube Channel-ah live-in pekchhuah a ni dawn a, group league aṭanga a hniam pahnihte chu season tharah Division One lamah an tla thla ang. Division One aṭanga a sang pathumin, season tharah MFA Futsal League 2026-27 an khel ang.

MFA Futsal League champion tawhte

2018 - Chanmari Zothan Futsal

2019 - Chanmari Zothan Futsal

2022 - Electric Veng FC

2023 - FC Thyristor, Ramhlun Venglai

2024 - Thlangtiang FC

2025 - Tlangnuam FC