Twente technical director tur Ten Hag

Ajax leh Manchester United manager hlui Erik ten Hag chuan February thla aṭangin Dutch club FC Twente-ah director of football hna a chelh dawn. Ten Hag hian season thar aṭangin a hna hi hun pumin a thawk ang a, he hna chelh mektu Erik Jan Streuer a thlak dawn.

Twente managing director Dominique Scholte chuan, "Erik hian football-ah record ṭha tak a nei a, FC Twente nen hian inzawmna thuk tak kan nei a ni," tiin a sawi. Ten Hag hi Twente aṭanga 12km leka hla a awm Haaksbergen-a sei lian a ni a, Twente hi a football career ṭanna a nih bakah a inkhelh tawpna hmun a ni bawk.

Ten Hag hian Ajax-ah hming a chher a, May 2022 khan Manchester United enkawl ṭanin FA Cup leh League Cup a champion pui hnuah October 28, 2024 khan an ban. Nikum July thlatir khan Bayer Leverkusen a zawm a, match thum lek a enkawl hman tihin September thlatir khan ban a tawk leh a, coaching lam kalsan rihin Twente-ah technical director hna a chelh ang.