ADFA Jr Boys Football Final-ah MFA Elite Blue leh Red

ADFA buatsaih Junior Boys Football Tournament 2025-ah MFA Elite Football Academy aṭangin team pahnih an tel a, vawiin chawhma dar 10:00 hian final-ah an inhmachhawn dawn. MFA tan an academy team pahnihin final an lut hi chanchin lawmawm a ni.

MFA Elite FA hi Mizoram active coach te enkawl a ni a, kum 14-16 inkar awmna a ni. MFA chuan kum 14 chin chunglamah football hmanga eizawn tumten kalna tur an neih loh avangin Elite Academy hi an din a, a rah ṭha a lang chho mek. Nakkum lamah academy hi changtlung zawka kalpui tumin hma an la mek bawk.

Nimin khan semifinal khelh a ni a, MFA Elite FA (Blue)-in Durtlang club 4 Brothers FA chungah zahngaihna an lantir lo a, 6-0 in an sawp. Semifinal hnuhnung zawka Republic Veng leh MFA Elite FA (Red) inkhel erawh rinlawk ang ngeiin an inhnehtawk a, a tawpah Arthur Vanlalpeka'n MFA Elite FA a chakpui.