Spurs neituten Frank an thlawp

Tottenham Hotspur chuan tun hnaiah beisei ang result nei thei lo mah se, coach Thomas Frank an thlawp chhunzawm a, an ban mai rih dawn lo!

Spurs hian an match hnuhnung berah Nottingham Forest chu 3-0 in an ngam lo a, league match 16 an khelh tawhah vawi ruk an tlawmna a ni - vawi li draw an nei a, vawi ruk an chak.

London club hi table-ah 11-na an ni mek bawk a, Inrinni zan dar 11:00-ah Liverpool nen an inkhel zui ang - heti chung hian a chungah Spurs thuneitute chuan rinna an nghat.

Frank hian Forest an ngam loh zawhah khan Spurs siamṭhat hna chu thawklehkhata zawh theih a nih loh thu a sawi a, "Hun pek an nih loh chuan tumahin an thlak danglam thei lo ang," a ti.

Forest an ngam loh hnu lawkah Spurs thuneitute an inhmukhawm a, London club-a share 86.56% ngawt neitu ENIC International Ltd. lam chuan Frank hi hun la pek rih an duh a ni.