Alonso an duat lo - Leverkusen CEO

Bayer Leverkusen CEO Fernando Carro chuan Bundesliga-a an club champion puitu, Real Madrid coach ni ta Xabi Alonso chu Spanish club hian an duat tawk lo niin a sawi a, a coach hlui a chhan.

Carro chuan, "Alonso hi coach talent nei ṭha tak a nihzia chu kan hre vek a, Madrid-ah erawh dinhmun duhawm lo takah a awm mek. President-in a coach a chhan loh a, amah maia coach chu sawiselna an tawhtir chuan a ṭha lo - Leverkusen nen chuan a inang lo khawp ang.

"Leverkusen-ah chuan coach kan kalsan ve ngai lo," a ti a, Alonso a chhan - Spanish coach hi result a neih ṭhat loh avangin a dinhmun a derthawng a, tun hnaiah sawiselna a tawk nasa.

Kartawp La Liga inkhelah khan Alaves ngam lo se chuan, Alonso hi ban tawh tur ang hialin an sawi. Tunah pawh Madrid midfielder hlui hi en thlak reng a ni a, Real thuneitu lam chuan kumina match khelh tur an la neih pahnihah chak ve ve bakah, inkhel hmuhnawm zawk a chhawpchhuah an beisei niin an sawi.

Real hian zanin dar 1:30-ah Copa del Rey round of 32 khel turin Spanish fourth division club Talavera CF an lenchilh ang a, December 20 zanah Sevilla mikhualin, kuminah match dang an nei tawh lo ang.