Ancelotti-a'n contract pawtsei dawn

Brazil coach Carlo Ancelotti chuan Selecao enkawl turin contract thar ziah a tum a,

Brazilian Football Confederation (CBF) chuan Italian coach hi indawrna an neihpui mek niin khawthlang media-te chuan an sawi.

Kum 66 mi Ancelotti hian season hman zawh rual khan a club enkawl lai Real Madrid a chhuahsan a, Brazil enkawl turin contract a ziak. King Carlo hminglem an pek hian World Cup 2026 zawh thlenga Brazil enkawl turin contract hi a ziak.

Football khawvela coach hlawhtling ber pawl hian Brazil hi match riat kaihruai tawhin, vawi li hnehna a chanpui a, vawi hnih tlawmin, vawi hnih draw an nei.

CBF president Samir Xaud chuan, "Kan inbiakna pawh a kaltluang khawp mai. Ancelotti ngei pawhin, a lehlam lehlam kan inlungrual a ngaih thu a sawi tawh kha - kei pawh chu chu ka ngaihdan a ni a, engkim tluang takin a kal," a ti a, Ancelotti an chelh ngei hmel.

Coach anga Champions League-a vawi nga ngawt champion thei coach hian World Cup-ah ram a la kaihruai ngai lo a, Italy-in kum 1994-a final an luh khan coach Arrigo Sacchi-a hnuaiah assistant-in a awm.

World Cup 2002 hnua World Cup champion la ni leh lo Brazil hi Morocco, Haiti leh Scotland te nen group khatah an awm ho dawn a, knockout stage chu an luh ngei hmel.