Hendo-a'n Jota a theihnghilh lo

Brentford midfielder Jordan Henderson chuan Leeds United lakah goal a khung a, Brentford tana a goal hmasa ber hi a ṭhianpa Diogo Jota tan a hlan zui - mikhual Leeds nen 1-1 in an inhnehtawk.

Liverpool captain hlui Hendo hian minute 70-naah goal hmahruai hi a khung a, hun tawp lam a nih tawh avangin chak mai tura ngaih an ni. Mahse, minute 82-naah Dominic Calvert-Lewin chuan si phurh a sut.

Leeds United striker hian league match li ngawt chu a zawnin goal a khung ta a, 2020-21 season-a English striker 'hot' ber pawl hian a thiam a la theihnghilh lo tih a pholang ṭan - England boss Thomas Tuchel-a'n lo thlir tak ang maw?

Team pahnihin goal an khung zui tawh loh avangin 1-1 in an ṭin a, point an insem - Brentford chak zo lo mah se, goal khungtu Hendo tan erawh zan chhinchhiah tlak bik a ni.

Hendo hian Liverpool a chhuahsan hnuah Al-Ettifaq leh Ajax tan khelin, tun season-ah EPL-ah a lo kir a, December 2021-a Merseyside derby-a goal a khung hnuah tun season hi EPL-a goal a khung leh hmasak ber a ni hial.

Kum 35 mi Hendo hian car accident vanga thi, Liverpool tana a khelhpui ṭhin Jota a hre reng a, a goal khung hi Jota goal khung dan angin a lawm.