Sunderland-in Magpies an hneh

Premier League match li ngawt a zawna an tlawm tawh loh hnuah Newcastle United an tlawm ve leh ta a, an mikhualna ramah Sunderland chu 1-0 in an ngam lo.

Sunderland-a inkhelah goal khungtu chu Nick Woltemade a ni a, mahse, Newcastle United striker hian a club tana goal khung loin, an lamah a tilut!

Stadium of Light-a inkhelah first half chhungin goal a lut lo a, second half ṭan aṭanga minute khatna lekah Black Cats-in goal an khung ta thung.

Sunderland defender Nordi Mukiele-a ball thlawh luh chu Magpies striker pasang Woltemade chuan lo tauh chhuah a tum a, mahse, an bar a tauh per hnuah goal-ah a lut zui.

Newcastle-in a chhanletna tur an nei lo a, an vannei zawk - Aaron Ramsdale chuan substitute Wilson Isidor-a khung ngei tur nia lang chu ṭha zetin a dang a, an mualpho zualpui tur a hliahkhuh.