India aiawh tur Sindhu leh Lakshya Sen

Badminton Asia Team Championship 2026 khel tur zingah PV Sindhu leh Lakshya Sen te an tel a, anni pahnih hi singles huanga tel tur niin double pair Satwiksairaj Rankireddy leh Chirag Shetty te pawh an feh chhuak ang.

Inelna hi nakkum February 3-8 chhung hian Qingdao, China-ah neih tur niin India hi hmeichhe team champion lai an ni a, mipa team hi bronze medal kawl mektu an ni bawk.

Badminton Association of India chuan thuchhuah siamin, "Player tin an khelh dan leh tawnhriat aṭangte in the an ni a, tun ṭum inelna lo awm turah hian Olympic medal vawi hnih la tawh PV Sindhu chu hmeichhe team hruaitu a ni ang," an ti.

Mipa team lamah Sen-a chu ranking sang ber a ni dawn, ani hi tun dinhmunah world number 13 a ni. Sen-a bakah hian Kidambi Srikanth, HS Prannoy, US Open winner Ayush Shetty leh Tharun Mannepalli te an feh chhuak bawk ang.

India Team

Mipa:Lakshya Sen, Ayush Shetty, Kidambi Srikanth, Prannoy HS, Tharun Mannepalli, Satwiksairaj Rankireddy, Chirag Shetty, Pruthvi Krishnamurthy Roy, Sai Pratheek K, and Hariharan Amsakarunan.

Hmeichhia: P. V. Sindhu, Unnati Hooda, Tanvi Sharma, Rakshitha Sree Santhosh Ramraj, Malvika Bansod, Treesa Jolly, Gayatri Gopichand, Priya Konjengbam, Shruti Mishra, and Tanisha Crasto.