Aston Villa chakpuitu Morgan Rogers

Goal an chhuah hmasa a, an talbuai deuh bawk. Mahse, tunlai Aston Villa chu dan theih loh ang maiin an kaltluang - Morgan Rogers chu hun pawimawh laiah rawn ding chhuakin a team hu West Ham United lakah 3-2 in a chakpui.

Aston Villa defender Ezri Konsa-a'n ball a hum theih loh vangin Mateus Fernandes chuan minute khatna lekah a pet lut nghal a, angle zim angreng tak aṭangin a pet lut ṭha hle.

Hammer lawm chhung erawh a rei bik lo, minute kuana lekah Konstantinos Mavropanos chuan John McGinn-a cross chu anmahni lamah a tauhlut palh a, chawlhlawk hmain a hmun dika awm Jarrod Bowen-a'n an goal hnihna a khung ve leh bawk.

Second half chu Morgan Rogers-a chan a ni. English midfielder hian box chhunga a ball dawn chu virpuiin a hlap lut a, a hnuah box pawn hla deuh tak aṭangin an chakna goal ropui a pet lut bawk a ni.

Unai Emery naute hian point 33 hmuin Premier League table-ah pathumna dinhmun an luah a, hmahruaitu Arsenal an phak lohna chu point thum chauh a ni - champion sawi ri ngam tur dinhmunah an ding mek.