Jr Boys Football ṭan a ni ta

ADFA buatsaih Junior Boys Football Tournament 2025 pet hawnna chu nimin khan ADFA president Lalbiakthanga Khiangte, IPS (Rtd)-in Chite Playground-ah a nei a, veng leh club tana inelna hi ṭan nghal a ni. ADFA buatsaih inelnaah hian team 14 an tel a, vawiin hian inelna hi chhunzawm a ni ang.

Team 14 hi group hnihah ṭhen an ni a, knockout hmanga khelh a ni. Group A-ah MFA Elite FA (Blue)-in Darlawn FA 4-0 in an hneh a, Edenthar nen quarterfinal-ah an inhmachhawn ang. 4 Brothers 'B'-in Tlangnuam FC 3-0 in an hneh a, vawiina Grace FA leh Zuangtui Jr FC inkhela chak zawk nen quarterfinal-ah an inhmachhawn ang.

Group B-ah 4 Brothers A an inlan lo a, Armed Vengin hnehna an chang. Armed Veng hian quarterfinal-ah Republic Veng an hmachhawn dawn. MFA Elite FA (Red)-in Chanmari West FC 17-0 in an sawp a, quarterfinal-ah vawiin chawhnu dar 2:30-a L&R FA, Mualpui leh Lalrammawia Memorial FC inkhela chak zawk nen an inkhel ang.

Quarterfinal hi December 17, Nilainia khelh tur a ni a, semifinal hi December 18, Ningania khelh tur niin final hi December 19, Zirtawpniah khelh a ni dawn. Inelna hi tunkar chhunga zawh vek tur a ni.