India-in South Africa an sawp

T20 series-ah India-in hmahruai turin Pathianni zan khan South Africa chu wicket sarihin an sawp. Proteas hian bat hmasain 117 runs chauh an siam a, India hian over 15.5 lekah 120/3 runs siamin hnehna an chang. Men in Blue tan opener Abishek Sharma-a'n ball 18 lekah 35 runs a siam a, vice capain Shubman Gill pawhin 28 runs a siam ve bawk.

Dharamshala-a inkhelah India-in vawm hmasak an thlang a, Indian bowler Harshit Rana leh Arshdeep Singh ten Proteas opener Quinton de Kock (1) leh Reeza Hendricks (0) te an vawm out hma hle. Captain Aiden Markram-a'n 61 runs siam ve mah se thlawptu ṭha a nei lo a, Proteas hian 117 runs lek an siam.

India bat hun a thleng a, Abhisek Sharma-a'n ball hmasa berah six a hlap nghal. Over 5.2-na lekah Abhisek hi out mah se India-in 60 runs an siam tawh a, chak turin hna harsa tur a awm tawh lo. Tilak Varma (25) leh Shivam Dube (10) ten a tawp an khar. Match hmasa pahnihah captain Suryakumar Yadav leh vice captain Shubman Gill te an che ṭha tawk lo a, match thumaah pawh SKY-a'n 12 runs chauh a siam.

ODI match nga khelh tura vawi lina hi December 17, Nilaini zan dar 7:00 hian Ardonamau, Uttar Pradesh-ah khelh a ni dawn a, Suryakumar Yadav-a'n run tam zawk siam a tum ang. Match hnuhnung ber hi December 19, Zirtawpni hian Narendra Modi Stadium, Ahmedabad-ah khelh a ni ang.