Jeho-a'n bronze medal a la

India ram huap inelna 4th UTT National Ranking Table Tennis Championship 2025-ah, Mizo tlangval Jeho Himnakulhpuingheta chuan mipa singles huangah bronze medal a la.

Inelna hi Harivansh Tana Bhagat Indoor Stadium, Ranchi-ah neih niin Jeho-a hian Maharstra player pahnih Sontakke Anish leh Mudit Dani te bakah Bengal leh Delhi tlangval Aniket Sen Choudhury leh Sudhanshu Grover te hnehin semifinal a lut.

Final luh inchuhna inkhelah Payas Jain nen an intawng a, an naupan lai aṭanga lo inhmawhchhawn fo tawh inkhelah Jeho-a hi a vnduai zawkah a ṭang a, bronze medal-ah a lungawi a ngai ta a ni.

Jeho-a hi champion zo lo mah se a thlen chin hi a sang, ram pum huap niin mipa singles huangah a ṭha zual player 350 an inlan, chung zingah chuan a ṭha zual pali zingah a tel phak a ni.

Tun dinhmunah Jeho-a hi India number 14 a ni mek a, bronze medal a lak leh takah chuan a ranking pawh a san belh leh ngei ang.