A ṭha rual inlan zan

Sailo Agencies - MIZBA Mega Boxing 2025 semifinal zan hnihna chu R. Dengṭhuama Stadium, Mualpuiah zanin hian neih leh a ni dawn a, zanin dar 7:00 aṭangin ṭan a ni ang. Mega Boxing hi Zonet Rihnim, Empai leh YouTube hmangin a en theih a, zanin hian Mizo boxer ṭhate an inlan dawn.

Mega Boxing ṭan hmaa hming langsar Malsawmtluanga (R. Mala), Laldinmawia, Zorammuana (Valtea) leh Naom Chinsanmuani te an inlan vek dawn. Boxing ngainatute tan chuan a hmun ngeia en chi a ni.

R. Mala hian Nilaini zan khan a vawi khat inlannaah a thiamna tak tak a pholang a, semifinal lut turin harsatna a tawk lo. Bawngkawn tlangval Lalfakzuala'n R. Mala hneh turin ruahmanna ṭha tak a neih a ṭul ang.