AFC B Licence nei thar Tleipuia

Saitual tlangval F. Vanlaltleipuia chuan Asian Football Confederation 'B' Licence Coach a pass thar. Coaching course hi Jalandhar, Punjab-ah neih a ni a, module hniha ṭhen niin module hmasa zawk hi kumin April-ah neih a ni a, module hnihna hi August-ah neih leh a ni.

Saitual tlangval chuan, "Professional footballer nih ka tum ṭhin a, inhliam vangin ka tum ka thleng thei ta lo. Mahse, Pathianin ka rin loh lamah min hruai a, min hruaina hi a ropui ka ti. Football kaltlanga mite tana malsawmna tana nih zel hi ka tum a ni," tiin Vanglaini a hrilh.

Tleipuia hi kum 25 mi a ni a, Mizo zinga B Licence nei thei naupang ber a nih bakah Saitual District-a hmasa ber a ni bawk.