Bayern an insiamṭha nghal

Arsenal laka tlawm hlim Bayern Munich chu Bundesliga lamah an insiamṭha nghal a, hrem vanga Gunners hmachhawn thei lo Luis Diaz chu German club chak theih nana player ṭangkai a ni.

Bayern hian Inrinni zan khan La Liga inkhelah St. Pauli chu 3-1 in an hneh a, hun pek belhah goal hnih an khung - Vincent Kompany-a naute an vannei tih loh rual a ni lo.

Allianz Arena-a inkhelh St. Pauli hian rin loh takin goal hmahruai an khung a, Burnley aṭanga loan-a an hawh forward Andreas Hountondji chuan minute rukna lekah goal a khung.

Bayern hian si phurh sut vat tum mah se, table mawng lama awm St. Pauli lakah an vannei thei lo. Arsenal laka goal khungtu Lennart Karl leh Tom Bischof ten woodwork an tihper ve ve.

Chawlhlawk hman nan minute khat chiah a awm tawh tihah Barca an vannei ta nge nge a, Luis Diaz chuan tlu chungin Raphael Guerreiro tan a siamsak - Guerreiro hian si phurh a sut a, 1-1 in chawlhlawk hman a ni.

Mahse, second half-ah Bayern beisei angin thil a kal lo. Striker chhuanvawr Harry Kane chuan Arsenal laka goal a khung loh hnuah goal khung a harsat chhunzawm a, post a pet per!

Minute 90 a liam a, Bayern an vannei ta nge nge. Joshua Kimmich-a siamsak chu Diaz-a'n hun pek belh minute thumnaah a khung a, Chelsea aṭanga loan-a an hawh striker, bench aṭanga lut Nicolas Jackson chuan a khung belh ve leh bawk.

Bayern hian hnehna an chan avangin table chung berah an dinhmun an sawh nghet nawn a, league match 12 khelh tawhah pahnihna RB Leipzig aiin point riat ngawtin an sang tawh - match 12-ah vawi 11 an chak a, vawi khat draw an nei.