Hliam vanga lakchhuah Ekitike

Liverpool tan Hugo Ekitike-a'n inkhel bul ṭan mah se, minute 61-naah hliam vangin lakchhuah a ṭul a, Reds goal nawr a na lo sawt - a chawlh chen tur erawh he thu buatsaih a nih lai hian a la chiang lo.

Arne Slot chuan, "Second half ṭantirah khan, "Hugo sawn enge buaina a neih?" ka ti tawh a, first half ang khan a che zung zung thei lo tih ka hmu. Kha vang khan second half-a kan press kha a na lo sawt bawk.

"A hnuah inkhel ṭantir minute nga aṭanga minute 10 velah khan a hnung na avangin a buai tih min hrilh a, kha vang khan lakchhuah a ngai ta a ni," a ti a, French striker hi chawl rei lo tura ngaih a ni.

Reds hian Pathianni zan dar 7:35-ah league match khelh tur an nei nghal dawn a, West Ham chu khualmualah an lenchilh dawn - an tlawm leh a nih chuan Slot-a dinhmun a derthawng zual sawt ang.