Ban phartu Virgil van Dijk!

Liverpool-in hma taka penalty an chawi chhan chu Virgil van Dijk a ni a, Reds centre back hian ṭul lo takin PSV Eindhoven corner petah a ban a lo phar - a handball a, penalty a chawi.

VVD hian penalty a chawi hian referee hnenah a sawisel a, a kut a fuh chian em avangin tam tak chuan sawisel chiah an ngai lo. Mahse, VVD hian a kut a fuh leh fuh loh lam ni loin, thildangah zawk sawiselna a nei.

Dutch defender-in a ban a phar chhan kha, corner pet hma khan amah vengtu PSV player chu a foul niin a ngai a, hei hi complain tumin a kut hi a phar chhuak.

Mahse, Dutch defender-in a kut a phar hian PSV midfielder Joey Veerman chuan corner hi a pet chhuak hman a, VVD-a kut a fuh avangin referee-in penalty spot a kawk ta zawk.

Liverpool boss Arne Slot chuan, "VVD kha a hnung aṭangin an nam a, khami avang khan referee hmuh turin a kut a phar a, ball an lo pet hman ta si a ni," a ti a, a defender chet dan a hrilhfiah.