Inter Confederation Playoff hmangin spot hnih

Nimin khan Inter Confederation Playoff khel tur leh khelhna hmun tur an pawt fel. FIFA chuan inelna thleng turin Mexico a thlang a, match li khelh tur hi Estadio Akron, Guadalajara leh Estadio BBVA, Monterrey-ah khelh a ni ang. Inter Confederation Playoff hi nakkum March-a khelh tur a ni.

DR Congo (Africa) leh Iraq (Asia) te seeded an ni a, final lut nghalin, World Cup khel turin vawi khat chak a tawk. DR Congo hian New Caledonia (Oceania) leh Jamaica (North America) chak zawk zawk an hmachhawn dawn.

Asia aiawh Iraq seeded ni mah se an vanduai - an group-ah team ṭha Bolivia (South America) an awm. Iraq hian final-ah Bolivia leh Suriname (North America) chak zawk an hmachhawn ang. Chutihrualin Bolivia (70) hi FIFA ranking aṭanga teh chuan Jamaica (70) aiin an hniam zawk.