A vawi khat nan Tluangtea

Bangladesh lakah India tlawm mah se, Mizoram football tan erawh zan chhinchhiah tlak a ni - Lallianzuala'n ram tana a match 50-na a khel a, Lalremtluanga Fanai chuan ram tana a match hmasa ber a khel bawk.

Bengaluru midfielder Tluangtea hian season hman zawh takah Bengaluru tan hming a chher viau a, tunah chuan senior team tan a inlan ta - India Under 23-ah chuan regular player a lo ni tawh.

Tluangtea hma hian Mizoram player zingah ram tana inlan 18 an lo awm tawh a, Bawngkawn tlangval hi 19-na tihna a ni - India rama mipui tamzia ngaihtuahin, Mizoram sulhnu a ropui hle.

Jerry Zirsanga chu Mizoram player zinga India tana inlan thei hmasa ber a ni a, India tana match 50 khel tling thei hi Jeje Lalpekhlua leh Lallianzuala Chhangte te an ni bawk.

Thawhlehni zana Bangladesh an lenchilh zanah hian LZa'n inkhel bul ṭanin, Tluangtea bakah Edmund Lalrindika chu bench aṭangin a lut bawk a, Valpuia erawh khelmualah lut loin hun a hmang tluan thung.