MIZBA Mega Boxing Boxing entu an pung zel

20th November, 2025

Sailo Agencies-MIZBA Mega Boxing 2025 chu R. Dengṭhuama Indoor Stadium, Mualpuiah khelh chhunzawm zel a ni a, inelna ṭantir lam hi a hmun leh YouTube aṭanga en man a awm lo a, entu pawh zan tinin an pun belh zel.

Mega Boxing hi Zonet Rihnim, Empai leh YouTube channel-ah a en theih. Zanin hian bout 10 a awm dawn a, mipa boxer vek an inlan dawn. Boxer tam zawk hi Aizawl khaw pawn an ni.

MIZBA chuan amateur boxing-a Mizoramin hma a sawn theih nan inelna hi a buatsaih a, 9th Elite National Boxing Championship-a Mizoram aiawh tur thlanna a ni nghal dawn. Stage sang chin aṭangin tawnhriat nei boxer-te an inlan dawn a, a hmuhnawm chho zel ang.

Tun ṭum inelnaah hian boxer 216 an tel a, mipa 191 telin hmeichhe boxer 25 an tel. Final hi ruahhman dan chuan December 9-10, 2025-a khelh tur a ni.