Bayern-in Neuer contract thar pe dawn

German champion Bayern Munich chuan an goalkeeper Manuel Neuer chu a kum tam deuh tawh mah se, contract thar zawrh a, an hnena la awm chhunzawm tura thlem an tum.

Kum 39 mi Neuer hian season tawp rualin Bayern-ah a contract a hmang zo tawh a, German keeper hian inkhelh chawlhsan mai a rilruk tawh niin khawthlang media ṭhenkhat chuan an tarlang.

Mahse, Vincent Kompany-a enkawl Bayern hian Neuer hi an club tana si ban nghak turin a la ṭha tawkah an ngai a, kum khat dang an club-a khelh chhunzawm tura thlem an tum.

German chanchinbu lar Bild-in a tarlan dan chuan Bayern hian June 2027 thleng an hnena cham turin Neuer hi contract an zawrh dawn a, nakkum March thlaa kum 40 tling mai tur keeper tan ngaithuahna sen uluk a ngai khawp ang.

Neuer hian tun season-ah pawh Bayern tan match 14 a khel der tawh a, a kum zat aṭanga teh chi a ni lo. Germany tana match 124 kheltu Neuer hian ram tana inkhelh chawlhsan tawh mah se, World Cup 2026-ah lo kir leh tur anga sawi thawm pawh a ri ring hle.