Zaninah professional boxing 'Battle in Mizoram'

Grassroot Boxing Promotions leh Crown Boxing Promotions ṭangkawp chuan, Sete Boxing Academy nen thawk dunin zanin hian professional boxing inelna 'Battle in Mizoram' an buatsaih dawn a, professional fight 15 a awm ang. LPS Arena-ah Battle in Mizoram hi neih a ni dawn a, AIDUPlay App hmangin a en theih ang.

Preliminary bout hi tlai dar 4:00-ah ṭan tur a ni a, bout sarih a awm dawn. Main card-ah hian bout pariat dah a ni a, ruahman dan chuan zan dar 6:20-a ṭan tur a ni. Mizo boxer ṭha Omega Lalramdina, C. Lalhruaitluanga, Lalruatfela Zote, HC Lalramfela, F Lalthanliana Junior, F. Zoramchhana, Vanlalawmpuia leh Laldinsanga te an inlan dawn. Bout tin hi en a châkawm vek.