United-in Lammens an en thla rei

Manchester United director of football Jason Wilcox chuan goalkeeper Senne Lammens lalut tura thla 12 chhung an enthlak thu a sawi chhuak.

Wilcox chuan, "Goalkeeping scout Tony Coton (goalkeeping coach hlui) chuan thla 12 liam ta aṭang khan Lammens hi a en thla ṭan tawh a, uluk takin a lo zirchiang tawh a ni.

"Lammens hian bul a ṭha a, kan lakluh ṭha ber zinga mi a ni. Amah hi a professional em em a, thil a chik bawk. Goalkeeper theihna sang tak kan zawng a, Lammens a awl chiah khan kan lalut. Hlauhthawn vanga lak a ni lo a, uluk taka ngaihtuahna sen chunga lak a ni," tiin a sawifiah.

Transfer tawp niah Lammens hian £18m-in Belgian club Royal Antwerp aṭangin Old Traford hi a pan a, khelhna hun a chang mai lo. Liverpool an hmachhawn ṭum aṭangin Lammens-a'n bul a ṭan a, clean sheet nei nghalin fak a hlawh hle. Belgian keeper hian Premier League-ah match li a khel tawh a, point 12 hmuh theih aṭangin United hi point 10 a hlawhchhuahpui a ni.