Goal khung tam ber Zomuana

Aizawl FC striker Zomuansanga'n Mizoram Premier League season khata goal khung tam ber record a siam a, goal 18 khung tawhin final khelh tur a la nei bawk. Khawbel goal machine hi MPL10 leh MPL11-ah pawh inlan tawh mah se goal a la khung ngai lo a, tun season-ah a theihna a rawn lanchhuahtirin a khung mawlh mawlh a ni ber.

MPL12-ah goal 207 a lut tawh a, own goal pali awm tawhin own goal chhiar tel loin player 76-in goal an khung. Khawbel goal machine Zomuana hnaih bertu Suanngaihmuana'n goal 12 a khung a, final khel tur zingah Vincent Lalduhawma'n goal kua khung tawhin Zomuana khum ngaihna a awm tawh lo.