AFC chak har mah se final an lut tho

GIG Motors MPL12 semifinal hnuhnung zawkah Aizawl FC-in chak turin harsatna an tawk lo a, generator chian loh vangin final lut turin hun an mamawh rei thung. Aizawl FC leh Dinthar ten October 28, Thawhlehni zanah second leg first half-ah an khel a, I League club-in 2-0 hma an hruai. Floodlight a en theih loh avangin nimin chawhnu khan second half khelh a ni a, Dinthar FC-in goal khat chhanglet mah se second leg-ah 2-1 in I League club an chak a, aggregate-ah 4-1 in hnehna an chang.