Liam Delap a dam tawh

Chelsea boss Enzo Maresca chuan a striker, hliam vanga thla hnih zet chawl tawh Liam Delap a dam thu a sawi a, zanin dar 1:15-a League Cup inkhelah Wolverhampton Wanderers a hmachhawn theih tur thu a sawi.

Maresca chuan, "Liam hi Wolves laka duhthlan theih tur zingah a tel tawh. Nimin lawkah khan training session pawh a pumin a kal thei tawh a, harsatna engmah a nei tawh lo," a ti.

Hetihrual hian Maresca chuan a player chu dim a la ngaih reng thu sawiin, "Liam enkawl kawngah hian kan fimkhur a ngai a, minute 90 khel nghal tura beisei chi a ni lo.

"Thla hnih ngawt a chawl a, 100% ni leh tur chuan zawi zawia kan kalpui a ngai a ni," a ti - zaninah inlan pawh ni se, minute 90 chu a khel dawn lo chiang tihna a ni.

Maresca chuan squad siksawi a ṭul thu sawi telin, "Player-te damna kan ngaihtuah tel a ngai a, a bul ṭan ngai hlirin bul an ṭan chuan kan talbuai vat mai ang. Wolves lakah pawh player kan siksawi ang," a ti a, fimkhur a ṭul thu a sawi.

Italian coach hian Enzo Fernandez, Moises Caicedo leh Joao Pedro te hming chu lam rik bikah a nei a, hei vang hian player pathum hi chu zanin bikah chuan an chawlh hahdam ngei a rinawm.