Mizoram nulaten Meghalaya an hneh

Board of Control for Cricket in India (BCCI) hnuaia Senior Women's T20 Trophy 2025 Plate Group match hnuhnung ber chu October 15, Nilaini khan khelh niin Mizoram chuan Meghalaya chu run 12-in an hneh.

Police Training Ground, Agartala-a inkhelah, ṭum vawrah Mizoram hi vannei zawkin vuak hmasak an thlang. Over 19.5-ah out vekin run 74 an siam. Mizoram tan Palak Patel (Outstation) chuan run 18 a siam a, Lalrinfeli Pautu chuan run 15 a siam bawk.

2nd Innings-ah Meghalaya lam chu over 19.1-ah out vekin run 62 an siam a, Mizoram-in run 12-in hnehna an chang a ni. Player of the Match tan Sandhia Rai, Bualpui chu thlan a ni.

Plate Group match chu khelh zawh niin Mizoram hi table-ah pathumnaah awmin pahnihna Nagaland chu point inangah NRR-ah an phak loh avangin final an lut zo ta lo a ni.