Nov 14-ah Mega Boxing 2025

Mizoram Boxing Association (MIZBA) chuan November 14, 2025 aṭanga ṭan turin Sailo Agencies MIZBA Mega Boxing 2025 a buatsaih dawn. Inelna hi R. Dengṭhuama Stadium, Mualpuiah neih tur a ni a, amateur boxing tih hmasawnna tur a ni.

MIZBA hian inelna buatsaih tur hian Sailo Agencies, Zonet leh Vanglaini te nen an thawk ho dawn a, zanin dar 8:00 hian Gangnam Bites, Zarkawtah thawhhona thuthlung an ziak ang.

Tun ṭum Championship hi 9th Elite National Boxing Championship-a Mizoram aiawh tur thlanna a ni dawn.

Inelna chungchang hrechiang duh leh entry form la chhuak tur tan hemi link shorten.ly/qGTI hmang hian download theih a ni.