Mizoram Police-ten goal medal la

10th All India Police Judo Cluster 2025-ah Mizoram police aiawha khel ten taekwondo huangah gold medal pahnih an la.

Srinagar, Jammu & Kashmir-a inelna neihah, gold medal latu hi Lalruatkima niin taekwondo poomsae individual inelnaah a lak a ni a, semifinal a paltlang hnuah final atana mi pariat thlan zingah a tel. Final-ah hian Lalruatkima hian point hmu sang berin a champion ta a ni.

Lalruatkima hian nikum khan Asian Police Taekwondo Championship, Vietnam-ah India tan gold medal a lo la tawh bawk.

Lalruatkima, C. Vanlalhuma leh PC VL Remtluanga te ṭang ho chuan group poomsae-ah gold medal an la bawk. India rama police infiamna sang berah silver leh bronze medal lo la tawh ṭhin mah se, taekwondo inelna huangah chuan dold medal a lak vawi khatna a ni.

SAI leh All India Police Sports Control Board (AIPSCB) ṭangkawpin an buatsaih - All India Police Meet vawi 10-naah hian state 25 aṭangin Indian Police Force hrang hrang 37 an tel a, infiammi 2000 chuang an inlan. Inelna chi hrang hrang panga - taekwondo, wushu, judo, penchak silat leh karate awmin Mizoram aṭangin player pasarih an khel a ni.