Golden Harvest School an che ṭha

Mizoram Independent School Association (MISA) leh Mizoram Football Association ṭangkawpin an buatsaih Misa MFA Inter School Football Tournament 2025 chu nimin khan Lammualah ropui taka a hmawr bawkna neih a ni. Golden Harvest School chuan High School leh Higher School category-ah nomawi an chawi a, tun inelnaa che ṭha ber an ni.

Golden Harvest School hi Tuithianga awm niin Zabanga Higher Sec School tia hriat lar ṭhin kha a ni a, final-ah hian Springfield HSS leh St Joseph HSS te an hneh. Tun hnaia infiamna lama ṭhang duang tak Neuhof English Medium School-in middle school category-ah Ar Ells School 3-1 a hnehin an champion bawk.

Hmeichhe inelnaah Repubic Venga awm Springfield HSS-in Mount Carmel School 2-0 in an hneh a, Mount Carmel hian middle school section-ah Ar Ells School hnehin nomawi an chawi thung. MISA leh MFA buatsaih inelna a hlawhtling a, season/session tharah pawh a awm chhunzawm ngei a rinawm hle.