MFA U17 League an chhunzawm

Nimin khan Zawlbuk Zodin Memorial MFA Under 17 League chu RG Stadium-ah khelh chhunzawm a ni a, vawiinah inelna chawlh a ni dawn. Inelna hi October 16, Ninganiah chhunzawm ni ang. Inelnaah hian team 16 an tel a, group paliah ṭhen niin, group tin aṭangin a sang pahnihin quarterfinal an lut dawn.

Group A-ah Chanmari FC, Lushai Corner FA (Luangmual), SL9 FC leh Aizawl FC te an awm a, group B-ah Mizoram Police FC, Sairang FC, 4 Borthers FA (Durtlang North) te awmin Ningani hian an rawn inlan leh ang.

Nimin lamah group C leh group D te an inlan. Group C-ah MLS FC, Aibawk Zone FA, Greenfield FA leh Saikhamakawn FC te awmin, group D-ah Kanan FC, MSSC NRC, Becks FA (Tanhril) leh SYS FC te an awm thung.