Noskova hnehtu Boulter

Tennis inelna Japan Open khelh laiah, world number 17 Linda Noskova chu Katie Boulter hneh loin a zinkawng a tawp nghal. British number 3 Boulter hian second round a inhlangkai a ni.

World number 59 Boulter hi chak tura rinkai a ni phak lo, mahse darkar khat leh minute 36 chhungin Linda Noskova hi 7-6 (7-3), 6-3 in a hneh a, a match lehpekah chuan Romanian player Sorana Cirstea a hmachhawn leh ang.

Boulter chuan, "Player ṭha kan hmachhawn a nih chuan tihsual neih tlem a pawimawh ṭhin, tun ṭumah khan point khat lek pawh hloh a pawizia ka hrechiang a, a tir aṭang khan fimkhur em emin ka inveng char char.

"Tennis ka khelh tawh china ka khelh ṭhat ber chu a ni lo mai thei, ka khelh fuh berte zinga mi erawh a ni chiang hle," tiin a sawi a, a match lehpek atan inrintawkna a neih san thu a sawi tel bawk.

Inkhel dangah Sorana Cirstea chuan Moyuka Uchijima chu 2-6, 6-4, 6-2 in a lo hneh ve thung, set hloh hmasa mah se a tho chhuak. Seeded pakhatna Naomi Osaka pawhin Sonobe Wakana chu 6-0, 6-4 in a lo sawp ve bawk a ni.