Vawiinah Inter School final

Mizoram Independent School Association (MISA) leh Mizoram Football Association ṭangkawpin an buatsaih Misa MFA Inter School Football Tournament 2025 final chu vawiin hian Lammualah khelh a ni dawn a, Zonet-ah live telecast a ni ang.

Inelna hi September 25, Ningani aṭang khan khelh ṭan a ni a, hmeichhe inelnaah category pahnih leh mipa inelna category pathum a awm. India striker hlui leh South Tuipui constituency MLA Jeje Lalpekhlua chu khuallian a ni ang a, closing ceremony hi chawhnu dar 1:30-ah ṭan tur a ni.