Atletico-in point hmu hram

Real Madrid meuh 5-2 in an hneh a, Champions League-ah Eintracht Frankfurt chu 5-1 in an sawp zui. Mahse, Atletico Madrid fan-te phur lutuk tur chu Pathianni zan khan beng daihin a awm a, Celta Vigo nen 1-1 in an inhnehtawk.

Atletico hian minute ruknaah Carl Starfelt-a own goal hmangin goal hmahruai an khung a, mahse, minute 40-naah an vanduai zui - Clement Lenglet hnawhchhuah a ni a, 1-0 in hma hruai mah se, Atletico an derthawng.

Celta Vigo tan chuai thei Iago Aspas chuan minute 68-naah si phurh sutna goal a khung zui a, goal dang a lut tawh lo - point an insem. Kum 38 mi Aspas tan tun season-a goal hnih a khungna chiah a ni a, a kum tam tawh mah se, season hmasa khan match 30-ah goal 10 a la khung tling!

Atletico erawh tun season-a league match vawi riat an khelhah an khingpui vawi li ngawt an inhnehtawkpui ta a, vawi thum chak tawhin, vawi khat tlawm an nei - hmahruaitu Real Madrid chu point riatin an phak lo mek.