Hliam vangin Sinner inkhel zo thei lo

Mipa tennis world number 2 Jannik Sinner chu hliam vangin Shanghai Masters aṭangin a inhnukdawk a, nomawi a kawl lai pawh a humhim thei dawn ta lo a ni.

Pathianni khan Sinner hi Tallon Griekspoor nen an inhmachhawn a, 6-7(3), 7-5, 3-2 a ni a, set thumnaah hian game khatin a la tlem zawk mek, tho chhuak tura a beih lai takin a ke hliam vangin a inkhel zui thei lo.

Set hnihna an khelh lai pawhin Sinner hi a ke na vang hian a buai tawh a, inkhelh tluan tum viau mah se a thei ta lo. Nizan khan a hliam hi endik a ni a, chumi hnuah chuan engtiang chena rei nge a chawlh a ngaih dawn a hriat theih ang.

Inkhel dangah Novak Djokovic erawh a chak - Serbian star hian Yannick Hanfmann chu 4-6, 7-5, 6-3 a hnehin China rama inelna neih laiah hian last 16 a inhlangkai a, a vawi ruk nana champion turin a dinhmun a sawhnghet.

Kum 38 mi Djokovic chuan, "Boruak lum leh hnawng tak karah ṭha takin ka khel thei a, a tir lmah duh ang takin khel chhuak lo mah ila set hnuhnung pahnih ka khelh dan khan min ti lawm hle a ni," tiin a sawi.